2023-cü il iyulun 31-də Azərbaycan Respublikasının işğaldan azad edilmiş əraziləri üzrə şəhər günləri təsis edilib. Prezident İlham Əliyev bununla bağlı Sərancam imzalayıb. Sərəncama əsasən hər il aşağıdakı günlər işğaldan azad edilmiş ərazilərdəki şəhərlərin günləri kimi təntənəli şəkildə qeyd olunacaq.
26 Avqust Laçın Şəhəri Günü
4 Oktyabr Cəbrayıl Şəhəri Günü
17 Oktyabr Füzuli Şəhəri Günü
20 Oktyabr Zəngilan Şəhəri Günü
25 Oktyabr Qubadlı Şəhəri Günü
8 Noyabr Şuşa Şəhəri Günü
20 Noyabr Ağdam Şəhəri Günü
25 Noyabr Kəlbəcər Şəhəri Günü
Kəlbəcərin azad edilməsi Silahlı Qüvvələrin Müzəffər Ali Baş Komandanın, Prezident İlham Əliyevin siyasi liderliyi , sərkərdəlik qabiliyyəti və Azərbaycan Ordusunun Vətən müharibəsindəki uğurlu hərbi əməliyyatları nəticəsində mümkün olub.
2020-ci il sentyabrın 27-də Ermənistan silahlı qüvvələrinin cəbhədəki təxribatının qarşısını alan Azərbaycan Ordusu əks hücumla bir neçə rayonu, yüzlərlə kənd və qəsəbəni düşməndən azad edib. İşğalçı erməni silahlı birləşmələri ordumuzun dəfedilməz hücumu qarşısında tab gətirə bilməyərək xeyli itki ilə geri çəkilib. Bununla da 27 il işğal altında olan Kəlbəcər rayonu noyabrın 25-də qəsbkarlardan azad edilib, həmin gün Azərbaycan Ordusunun bölmələri rayona daxil olub və orada üçrəngli şanlı bayrağımız ucaldılıb.
2021-ci ilin avqustunda Prezident İlham Əliyev və birinci xanım Mehriban Əliyeva Kəlbəcər rayonunda səfərdə olublar. Dövlət başçısı Kəlbəcər şəhərində Azərbaycan bayrağını ucaldıb. 2020-ci ilin noyabrın 25-də Kəlbəcər rayonunun işğaldan azad olunması ilə yerli əhalinin ümidləri gərçəkləşdi. Əlbəttə ki bu tədbirlərdə torpaqlarımızın azadlığı uğrunda canlarını fəda edən şəhidlərimizin əziz xatirəsi həmişə yad edilməlidir. 2020-ci ilin noyabrın 26-da “Kəlbəcərin azad olunmasına görə” medalı təsis edildi. 9455 hərbi qulluqçu medal ilə təltif olundu. Dövlətimiz torpaq uğrunda döyüşənlərin əməyini yüksək qiymətləndirdi.
Lalə Babayeva,
YAP Xətai rayon təşkilatının “General Şıxlinski 56/2” ünvanı üzrə ərazi partiya təşkilatının üzvü
