Dövlət Turizm Agentliyi Azərbaycanın turizm potensialının MDB, Yaxın və Uzaq Şərq ölkələrində geniş tanıtımına başlayır.

“İki sahil” xəbər verir ki, bu çərçivədə Hindistan, Çin və Yaponiya da daxil olmaqla bu sıra ölkələrdə təbliğat işləri həyata keçirəcək.

Seminarların, yol şoularının və digər tədbirlərin təşkil olunması, bülletenlərin hazırlanması və yayılması planlaşdırılır. Məqsəd Azərbaycan turizminin beynəlxalq miqyasda tanıdılması və ölkəyə gələn turistlərin sayının artırılmasıdır.