Azərbaycan və Birləşmiş Ərəb Əmirlikləri (BƏƏ) arasında fond bazarının inkişafına dair əməkdaşlığın gücləndirilməsi müzakirə edilib.

Bu barədə "İki sahil" Mərkəzi Banka istinadən xəbər verir.

Məlumata görə, bu, Mərkəzi Bankın sədri Taleh Kazımovun Birləşmiş Ərəb Əmirliklərinə səfəri zamanı Əbu-Dabi Qiymətli Kağızlar Birjasında olduğu zaman baş tutub.

Görüş zamanı Birja ilə tanışlıq çərçivəsində təqdimat keçirilib və fəaliyyət istiqamətləri üzrə məlumat təqdim olunub.

Qeyd olunub ki, görüş hər iki ölkənin kapital bazarlarının inkişafının dəstəklənməsi məqsədilə qarşılıqlı əlaqələrin və potensial əməkdaşlığın daha da gücləndirilməsi imkanları ətrafında fikir mübadiləsi ilə davam edib.