“Azərbaycan Xəzər Dəniz Gəmiçiliyi” QSC (ASCO) istiqrazları üzrə növbəti dəfə faiz ödənişləri həyata keçirib. 

“İki sahil” bu barədə ASCO-ya istinadla xəbər verir.

Məlumata görə, istiqrazlar sahibləri ümumilikdə 4,5 milyon ABŞ dolları qazanıb. Faiz ödənişlərinin 3 milyon ABŞ dolları 3 mart 2023-cü ildə dövriyyəyə buraxılmış,  ümumi məbləği 100 milyon ABŞ dolları olan istiqrazların, 1,5 milyonu isə 23 fevral 2024-cü ildə dövriyyəyə buraxılmış, ümumi məbləği 50 milyon ABŞ dolları olan istiqrazların payına düşüb.

Hər birinin nominal dəyəri 1 000 ABŞ dolları olan “ASCO istiqrazları” 5 illik müddətə tədavülə buraxılıb. Onların illik gəlirliliyi 6 %-dir. Faizlər yarım illik ödənilir.