Böyük Britaniya azalan ordu heyətini artırmaq və hərbi heyəti saxlama böhranını həll etmək üçün orduya əlavə 1,3 milyard funt-sterlinq büdcə ayırıb.

“İki sahil” xəbər verir ki, Böyük Britaniyanın Müdafiə Nazirliyi (MN) ötən ay Silahlı Qüvvələrə İşə Qəbul Xidməti (AFRS) adlı yeni bölmənin yaradıldığını elan edib.

2027-ci ildə fəaliyyətə başlaması planlaşdırılan bu struktur Kral Hərbi Dəniz Qüvvələri, Britaniya Ordusu və Kral Hərbi Hava Qüvvələri tərəfindən həyata keçirilən fərdi işə qəbul proqramlarını əvəz edəcək.

AFRS-nin idarə edilməsi 2034-cü ilə qədər davam edəcək 1,3 milyard funt sterlinqlik müqavilə əsasında “Serco” təhlükəsizlik firmasına verilib.

Britaniyanın müdafiə naziri Con Healey bildirib ki, ordunun üzləşdiyi dərin struktur problemləri şəxsi heyətin cəlb edilməsini və mövcud əsgərləri saxlamağı çətinləşdirir.

Nazirliyin məlumatlarına görə, ordu 2023-cü ildə nəzərdə tutulan çağırış sayına çata bilmir, halbuki yüzlərlə tam ştatlı əsgərin hər ay vəzifələrini tərk etdiyi bildirilir.

Böyük Britaniya Ordusu 2024-cü ilin aprel ayına qədər 73.000 əsgərə düşərək işə qəbul hədəflərinə çata bilməyib.

Bu, Napoleon müharibələrindən sonra ən aşağı səviyyə kimi qeydə alınıb. Kral Hərbi Dəniz Qüvvələri, Britaniya Ordusu və Kral Hərbi Hava Qüvvələri bütün heyət hədəflərinə çata bilməyib.

Müdafiə Nazirliyinin məlumatına görə, 2024-cü ilin iyun ayına olan məlumata görə, son 12 ayda 15 mindən çox tam zamanlı əsgər ordunu tərk edib, yalnız 11 mini xidmətə başlayıb.

Bununla belə, 2024-cü ilin oktyabr ayında açıqlanan məlumatlar göstərir ki, işə götürülən işçilərin sayında əvvəlki illə müqayisədə 18,9 faiz artım, gedən işçilərin sayında isə 7,3 faiz azalma olub.

Məhərrəm Ağalaroğlu, “İki sahil”