Azərbaycan İnvestisiya Holdinqi (AİH) və Azərbaycan Dövlət Neft Şirkətinin (SOCAR) nümayəndələri ilə Çinin Dövlət Şurasının Dövlət Aktivlərinə Nəzarət və İdarəetmə Komissiyasının (SASAC) idarəetməsində olan CNCEC (China National Chemical Engineering Co., Ltd.) şirkətinin nümayəndə heyəti arasında görüş keçirilib.

"İki sahil" bu barədə Holdinqə istinadən xəbər verir.

Məlumata görə, neft və kimya mühəndisliyi sahəsində ən qabaqcıl şirkətlərindən biri olan CNCEC ilə görüş zamanı birgə investisiya və yeni investisiya layihələrinin araşdırılması istiqamətində potensial əməkdaşlıq imkanları müzakirə olunub.