Azərbaycandan ABŞ-yə yumurta ixracına başlanılır.

“İki sahil” xəbər verir ki, bu barədə Azərbaycan Qİda Təhlükəsizliyi Agentliyi (AQTA) məlumat yayıb.

Qeyd olunub ki, ABŞ-yə Azərbaycandan yumurta ixracı ilk dəfə olaraq həyata keçirilir və artıq bu istiqamətdə müvafiq prosedurların icrası həyata keçirilir.

AQTA xatırladıb ki, 2023-cü ilin noyabr ayında AQTA ilə “Rosselxoznadzor” arasında Azərbaycandan Rusiyaya quşçuluq məhsullarının, əsasən də ərzaqlıq yumurtanın ixrac olunması ilə əlaqədar razılıq əldə olunub və həmin ildən etibarən ərzaqlıq yumurtanın ixracına başlanıb.

Bundan başqa AQTA tərəfindən Çinin Kənd Təsərrüfatı və Kənd İşləri Nazirliyi ilə keçirilən görüşlər, həmçinin işçi qaydada aparılan tədbirlər nəticəsində quş əti məhsullarının bu ölkəyə ixracına icazə əldə olunub.