Cəlilabad rayonunda ölümlə nəticələnən yol qəzasında xəsarət alan ikinci şəxsin kimliyi məlum olub.

“İki sahil” xəbər verir ki, o, 1998-ci il təvəllüdlü Vüsal Abdullayevdir.

Qeyd edək ki, hadisə Uzuntəpə kəndində qeydə alınıb. Belə ki, qəza nəticəsində "VAZ 2101" markalı minik avtomobilinin sürücüsü Sabir Niftəliyev xəsarət alıb, avtomobildəki sərnişin, 1961-ci il təvəllüdlü Gülsüm Abdullayeva isə dünyasını dəyişib.

Əlavə edək ki, qəza nəticəsində dünyasını dəyişən G.Abdullayevə V.Abdullayevin anası, S.Niftəliyevin isə həyat yoldaşıdır.

Faktla bağlı araşdırmalar davam etdirilir. ("Report")

***

Cəlilabad rayonunda ölümlə nəticələnən yol qəzasında xəsarət alanların sayı artıb.

 TƏBİB-dən bildirilib ki, martın 27-də saat 12:00 radələrində yol-nəqliyyat hadisəsi səbəbilə xəsarət alan 3 nəfər Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub. 

1953-cü il təvəllüdlü (kişi) şəxsə sağ döş qəfəsinin küt travması, sağ diz oynağının sınıqları və çıxıqlar, sağ saidin və əlin arxa səthinin cırılmış yaraları, 1998-ci il təvəllüdlü (kişi) şəxsə sol bazunun küt travması, sıyrılmış yaraları diaqnozu təyin edilib. 

Hazırda hər iki şəxsin vəziyyəti qənaətbəxş olaraq qiymətləndirilir. 

Bir nəfərin xəstəxanayaqədər ölüm faktı qeydə alınıb.