Malayziyanın Subanq Caya şəhərində qaz kəmərində baş verən yanğın nəticəsində azı 30 nəfər xəsarət alıb.

“İki sahil” xəbər verir ki, bu barədə “Bernama” agentliyi məlumat yayıb.

Qeyd edilib ki, səhər saatlarında qaz kəmərində partlayış baş verib və nəticədə yanğın baş verib. Nəticədə azı 30 nəfər xəsarət alıb. Zərərçəkənlər xəstəxanalara aparılıblar.

“The Star” qəzeti yazır ki, yanğın səbəbindən evlərindən çıxa bilmədikləri üçün hələ də evlərində qapalı qalan insanlar var.

Məhərrəm Ağalaroğlu, “İki sahil”