Doğma elimiz, Ağdamda yaşayacağıma çox sevinirəm.

“İki sahil” xəbər verir ki, bunu Ağdam rayonunun sakini Kənan Cəfərov deyib.

Onun sözlərinə görə, Ağdamı indiyə qədər daha çox kadrlar, şəkillər, xəritələrdən izləmişəm. Torpaqlarımız düşmən işğalından azad edildikdən sonra hər zaman öz yurduna qayıtmağı arzulayıb.

"Allah şəhidlərimizi rəhmət eləsin, biz onları qanı bahasına əmin-amanlıqla öz yurdumuza qayıdırıq. Biz orada yaşamalıyıq və buna görə şəhidlərimizə borcluyuq. Bəzilərinin düşüncəsinin əksinə olaraq, məncə qayıdaraq öz torpağımızda yaşamaq çətin olmayacaq. Özüm tibb işçisiyəm. Ağdamda bu sahədə işləmək niyyətindəyəm", - deyə o qeyd edib.

Qeyd edək ki, hazırda Qarabağda və Şərqi Zəngəzurda, ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, ümumilikdə, 40 minə yaxın insan yaşayır.