"Tesla" və "SpaceX"in baş direktoru İlon Mask bildirib ki, onun şirkətinin elektrik avtomobillərinə edilən hücumlar Amerika vətəndaşlarına qarşı planlaşdırılmış daxili terror kampaniyasıdır.

“İki sahil” xəbər verir ki, bu haqda İlon Mask "Fox News"a bildirib.

"Bu, terrorizmdir, əhalini qorxutmaq məqsədi daşıyan genişmiqyaslı daxili terrordur və günahsız insanlar bundan əziyyət çəkirlər. Bu, həqiqətən də dəhşətlidir"- deyə Mask bildirib. O, hadisələrin hərtərəfli araşdırılmasına çağırıb və qeyd edib ki, cinayətlərin arxasında duranları və onları maliyyələşdirənləri müəyyən etmək lazımdır: "Bu, zorakılığı təbliğ edən mütəşəkkil cinayətkar kampaniyadır".