NATO-nun baş katibi Mark Rutte ABŞ dövlət katibi Marko Rubio ilə görüşündə alyansın Ukraynanı “lazım olduğu qədər” maliyyələşdirməyə davam etməyə hazır olduğunu bəyan edib.

“İki sahil” xəbər verir ki,  bu barədə RİA Novosti məlumat yayıb.

"Avropalılar irəliləyir, Ukraynaya çoxlu hərbi dəstək verirlər. Biz son rəqəmlərə görə, cəmi üç ay ərzində müttəfiqlərin Ukraynaya 20 milyard avrodan çox yardım ayırdığını görürük ki, bu da onlara davam etdiyi müddətcə mübarizə aparmağa imkan verəcək", - deyə, agentlik Ruttenin sözlərindən sitat gətirib.

O, həmçinin qeyd edib ki, münaqişə sona çatdıqda Rusiya belə davranmağa davam edə bilməyəcəyini anlamalı olacaq.