Venesuela ABŞ Prezidenti Donald Trampın bütün dünyaya elan etdiyi ticarət və iqtisadi müharibənin çətinliklərini dəf edəcək.

“İki sahil”in "Venezolana de Television" telekanalına istinadən verdiyi məlumata görə, bunu Bolivar Respublikasının prezidenti Nikolas Maduro deyib.

"Biz ABŞ prezidentinin bütün dünyaya və Venesuelaya elan etdiyi iqtisadi müharibənin istənilən çətinliyini dəf etməyə hazırıq", - Maduro bildirib. O hesab edir ki, Tramp bəşəriyyəti və Venesuelanı gələcək hüququndan məhrum edə biləcək ölkələrə qarşı tarif və vergi tədbirləri görüb.

Maduro Venesuelanın azad, suveren və müstəqil ölkə olduğu üçün respublikanın qlobal ticarət və iqtisadi müharibəyə hazırlaşdığını və istənilən ehtimal üçün planlar hazırladığını vurğulayıb.