PKK/YPG terror təşkilatının 250 üzvü Dəməşq rəhbərliyi ilə imzalanan razılaşmaya əsasən 35 avtomobillik karvanla Hələbin mərkəzindən ayrılıb.

“İki sahil”in “Haber Global”a istinadən verdiyi məlumata görə, Hələbin Şeyx Məqsud və Əşrəfiyyə məhəllələrini 2012-ci ildə işğal edən terrorçular Fəratın şərqinə doğru geri çəkilirlər. Təxminən 250 terrorçunu daşıyan cəmi 35 maşından ibarət ilk karvan Hələbdən ayrılıb. Karvanda ağır silahlı hərbi maşınlar və silah və ya sursat olduğu düşünülən bir brezentli yük maşını olub. Terrorçular Hələbi Müdafiə Nazirliyinə bağlı qüvvələrin himayəsi altında tərk ediblər. Çıxarmanın yaxın günlərdə də davam edəcəyi gözlənilir.

Məhərrəm Ağalaroğlu, “İki sahil”