Türkiyə və Şimali Kipr Türk Cümhuriyyətinin (ŞKTC) aparıcı mediası Azərbaycan Prezidenti İlham Əliyevin ADA Universitetində keçirilən “Yeni dünya nizamına doğru” beynəlxalq forumdakı çıxışını geniş işıqlandırıb.

“İki sahil” xəbər verir ki, iki qardaş ölkənin informasiya agentlikləri, qəzetləri, telekanalları və xəbər saytları Azərbaycan Prezidentinin beynəlxalq və regional gündəliyin aktual məsələlərinə dair mövqeyini çoxmilyonlu auditoriyaya çatdırır, dövlətimizin başçısının bəyanatlarından parçalar verir.

Materiallarda Azərbaycan dövlətinin başçısının ŞKTC-ni dəstəkləməyə hazır olması və Bakı ilə Ankara arasında müttəfiqliyin sarsılmazlığı barədə bəyanatlarına xüsusi vurğulanıb.

Prezident İlham Əliyevin Ermənistanla sülh perspektivləri, Kiyev ilə Moskva arasındakı münaqişə, Türkiyə ilə İsrail münasibətləri, Suriyadakı vəziyyətlə bağlı mövqeyinə diqqət yetirilib.