Çərşənbə günü Çinin paytaxtı Pekində 21-ci Şanxay Beynəlxalq Avtomobil Sərgisi öz qapılarını ziyarətçilərə açdı.

“İki sahil” xəbər verir ki, sərgi 10 gün davam edəcək (23 aprel – 2 may) və təşkilatçılar bu müddət ərzində 1,3 milyon nəfərlik ziyarətçi axını gözləyir.

Sərgidə dünyanın 26 ölkə və regionundan 1000-dən çox şirkət iştirak edir. Bu il 100-dən artıq avtomobil modelinin debütü gözlənilir. Ənənəvi alman, yapon və amerikan istehsalçıları – Audi, BMW, Mercedes-Benz, Ford, Toyota və digərləri – bu dəfə sürətlə yüksələn Çin avtomobil markaları – BYD, Li Auto, XPeng, Zeekr, Xiaomi və başqaları ilə diqqət uğrunda rəqabət aparır.

Ətraflı

Sərginin maraqlı məqamları arasında uçan nəqliyyat vasitələri, robotlar və təkərlər üzərində hərəkət edən özünü idarə edən karaoke stansiyaları da var. Bu texnologiyalar avtomobil sənayesinin gələcəyinə dair ipucları verir.

1985-ci ildən keçirilən Şanxay Avtomobil Sənayesi Sərgisi bu gün həm Çinin, həm də dünyanın ən nüfuzlu avtomobil tədbirlərindən biri hesab olunur. Çin hazırda dünyanın ən böyük avtomobil bazarına sahibdir və yaşıl, ağıllı texnologiyalar sahəsində qlobal tendensiyaları müəyyən edən əsas oyunçulardan birinə çevrilib.