Yaponiya ABŞ nümayəndələri ilə Yaponiya iqtisadiyyatına zərər vuran tariflərin ləğvi istiqamətində aparılan ticarət danışıqlarının beşinci raundunda müəyyən irəliləyişə nail olub.

“İki sahil” “Reuters”ə istinadən xəbər verir ki, bu barədə Tokionun tariflər üzrə baş danışıqçısı Ryosey Akadzava bildirib.

"Avtomobillərə, avtomobil ehtiyat hissələrinə, polad və alüminiuma artıq tariflər tətbiq edilib. Onların bəziləri ikiqat artıb. Bu, Yaponiya iqtisadiyyatına gündəlik zərər verir", - R.Akadzava ABŞ maliyyə naziri Skott Bessent və ticarət naziri Hovard Lyutnik də daxil olmaqla rəsmi şəxslərlə danışıqlardan sonra bildirib.

“Reuters”in məlumatına görə, R.Akadzava danışıqlar prosesində konkret uğurlar barədə məlumat verməkdən imtina edib.