Azərbaycan Prezidenti İlham Əliyev avqustun 26-da  Səudiyyə Ərəbistanın nüfuzlu “Əl-Ərəbiyyə” telekanalına geniş müsahibə verilib. Ölkəmizin başçısı verdiyi müsahibədə  bir sıra vacib məsələlərə toxunub, regional və beynəlxalq gündəmdə olan mövzularla bağlı Azərbaycanın qətiyyətli mövqeyini  ifadə edib.

Müzəffər Ali Baş Komandanımız müsahibəsində ölkəmizin sülh təşəbbüsləri və bu istiqamətdə atdığı qətiyyətli addımları bir daha aydın şəkildə nümayiş etdirib. Cənab Prezidentin vurğuladığı kimi, məhz Azərbaycan Ermənistanla sülh danışıqlarına birinci başlamağı təklif edərək bu sazişin layihəsini təqdim edib. Belə taktiki  siyasi gediş Azərbaycanın regionda sabitlik və əməkdaşlıq üçün nə qədər səmimi və prinsipial mövqe tutduğunu  göstərir.

Məlumdur ki, məhz 1994-cü ildən 2020-ci ilə qədər olan dövrdə müxtəlif beynəlxalq platformalarda, o cümlədən ATƏT-in keçirdiyi danışıqlar və monitorinqlər nəticəsiz qalmaqla formal xarakter daşıyırdı. 30 ilə yaxın müddətdə Ermənistanın qeyri-konstruktiv mövqeydə durması, müharibə ritorikasından əl çəkməməsi, beynəlxalq vasitəçilərin isə ikili standartlara söykənən qərəzli vasitəçiliyi səbəbindən münaqişənin həllində heç bir real irəliləyiş əldə olunmadı. Ermənistan zəif olmasına baxmayaraq, heç kəslə hesablaşmır, özünü barbar bir bir ölkə kimi  aparırdı. Məqsəd məlum idi- Azərbaycan işğalla barışana qədər vaxtı uzatmaq.

Lakin bütün bunlara rəğmən Azərbaycan dövləti və xalqı işğalla barışmırdı. Nəhayət, Azərbaycan xalqı öz taleyini özü həll etməli oldu və İkinci Qarabağ müharibəsi gedişində ədaləti, beynəlxalq hüququ və milli ləyaqətini bərpa edərək ərazi bütövlüyümüzü təmin etdi. Məğlub tərəfin Ermənistan olmasına baxmayaraq  məhz Azərbaycan sülh təşəbbüsü ilə çıxış etdi və Ermənistanla münasibətlərin normallaşdırılması üçün sülh sazişi layihəsini təqdim etdi. Cari ilin  avqustun 8-də ABŞ Prezidenti Donald Trampın iştirakı ilə Vaşinqtonda Azərbaycan Prezidenti İlham Əliyevlə və Ermənistan baş naziri Nikol Paşinyanın imzaladıqları  sənəd bu baxımdan xüsusi əhəmiyyət daşıyır. Prezident İlham Əliyevin də vurğuladığı kimi, bu sənəd Ermənistan-Azərbaycan münasibətlərinin dövlətlərarası əsaslarla necə qurulmalı olduğunu əks etdirir və Azərbaycanın prinsipial mövqeyinə əsaslanır. Bu, həm də Azərbaycanın sülhə nə qədər sadiq olduğunu bir daha dünyaya nümayiş etdirir. Eyni zamanda, bu gün Azərbaycan beynəlxalq aləmin inanıb etibar etdiyi bir siyasi-iqtisadi mərkəzə çevrilməkdədir.

Düzdür, hələ də Ermənistanla sülh sazişi rəsmən imzalanmayıb. Buna səbəb isə Prezident İlham Əliyevin də bildirdiyi kimi, Ermənistan konstitusiyasında Azərbaycanın ərazi bütövlüyünü şübhə altına alan müddəalar hələ də qüvvədə olmasıdır. O maddə sənəddən çıxarlmayınca etibarlı sülhdən danışmağa dəyməz. Dövlətimizin rəhbəri telekanala bu barədə deyib: “Rəsmi Bakı dəfələrlə bəyan edib ki, bu kimi iddiaların aradan qaldırılması, yəni Ermənistan konstitusiyasından Azərbaycanın ərazi bütövlüyünə zidd müddəaların çıxarılması sülh müqaviləsinin imzalanması üçün əsas şərtdir. Bu dəyişikliklər həyata keçirildikdən sonra iki ölkə arasında rəsmi sülh sazişinin imzalanması qaçılmaz olacaq.”

Dövlətimizin başçısı müsahibəsində xüsusi olaraq vurğulayıb ki, Ermənistanla sülhün davamlılığı üçün əsas prinsipin qarşılıqlı şəkildə yerinə yetirilməsidir. Ermənistan dəfələrlə götürdüyü öhdəliyə əməl etməyib, verdiyi sözün arxasından qaçıb. Ola bilər ki, gələcəkdə Nikol Paşinyandan sonra hakimiyyətə gələn hər hansı bir daşnak onun qəbul etdikləri sənədləri qüvvədən salıb arxivə atar. Çünki onlar bizə və qardaş Türkiyəyə qarşı barbar hərəkətlər ediblər, yəni inamı itiriblər. Prezidentimiz buna bir daha yol verilməməsi, qan axmaması, yeni erməni nəsillərinin beyinlərində bizə qarşı əsassız düşmənçilyin cücərməməsi üçün uzaqgörən addım atır.

Prezident İlham Əliyev müsahibəsində çox aydın şəkildə Rusiya ilə münasibətlərin gərginləşmə səbəblərini göstərib: «Hər kəsə aydındır ki, Azərbaycanın mülki təyyarəsinin Rusiya tərəfindən vurulması və Rusiya rəsmilərinin buna reaksiyası ölkəmizdə böyük məyusluq və təəssüf doğurdu.» Prezidentin "Əl-Ərəbiyyə" telekanalına verdiyi müsahibə Rusiya ilə münasibətlərin aktuallığını, həm də dövlət siyasətinin prinsipial xarakterini açıq şəkildə ortaya qoyur. Ölkəmizin rəhbəri  konkret faktlarla Rusiyada azərbaycanlılara qarşı baş verən zorakılıqları, işgəncələri və qətlləri diqqətə çatdırır. Burada əsas mesaj aydın şəkildə ifadə olunub - məsuliyyət Rusyanın üzərinə düşür, lakin bu dövlət insanların hüquqlarını qorumaq əvəzinə qanunları qəsdən özü pozur, sivil dünyaya orta əsr vəhşilikləri gətirməklə məşğul olur.

Nazimə Şamıyeva,
YAP Füzuli rayon təşkilatının sədri