YAP Gəncə şəhər təşkilatında partiya veteranlarının yubileyinin qeyd olunması artıq ənənə halını alıb.

“İki sahil” xəbər verir ki, YAP İdarə Heyətinin üzvü, YAP Gəncə şəhər təşkilatının sədri Bayram Aslanov və təşkilatın əməkdaşları 90 yaşlı partiya veteranı İbrahimov Ramazan Abbasqulu oğlunun evində qonaq olub, yubilyarı təbrik edərək, ona möhkəm can sağlığı, uzun ömür, xoş günlər arzulayıblar.

Göstərilən diqqətə görə təşəkkürünü bildirən Ramazan İbrahimov uzun illər partiya sıralarında çalışmaqdan qürur hissi keçirdiyini bildirib. Ulu Öndər Heydər Əliyev ideyalarına daim sadiq olduğunu qeyd edən Ramazan İbrahimov bundan sonra da dahi rəhbərin siyasi irsinin gənc nəslə aşılanması yolunda öz bilik və bacarığını əsirgəməyəcəyini vurğulayıb.

Sonda partiya veteranı Ramazan İbrahimova Azərbaycan xalqının Ümummilli Lideri Heydər Əliyev irsinin təbliğində xüsusi xidmətlərinə, təşkilatın ictimai-siyasi həyatında fəal iştirakı, 90 illik yubileyi münasibətilə Fəxri Fərman və xatirə hədiyyəsi təqdim edilib.

Qeyd edək ki, YAP Gəncə şəhər təşkilatı yarandığı gündən partiya quruculuğunda fəal iştirak edən Ramazan İbrahimov uzun illər Azərbaycan Dövlət Aqrar Universitetinin Fizika və Riyaziyyat kafedrasında fəaliyyət göstərib, dosentdir.