Lənkəranda qeyri-sabit hava şəraiti səbəbindən şəhərin bir çox hissəsində elektrik enerjisinin verilişində problem yaşanıb.

Yağan güclü leysan yağışları elektrik təsərrüfatını sıradan çıxarıb. 

Belə ki, şəhərin ən böyük yaşayış massivləri olan 1-ci və 2-ci mikrorayon, eləcə də Raypo və "Su-8" yaşayış massivi işıqsız qalıb.

Məlumata görə, ərazini elektrik enerjisi ilə təmin edən transformatorlarda qısaqapanma baş verib. Hazırda qəzaların aradan qaldırılması istiqamətində tədbirlər görülür.

"Report"