Hüquq-müfahizə orqanları “Hurriyyet TV”-də əməliyyat keçirib.

“İki sahil” xəbər verir ki,  Bakupost.az-ın əldə etdiyi məlumata görə, əməliyyat zamanı “Hürriyyət” qəzeti, eyniadlı Hurriyyet.az saytı və “Hurriyyet TV”-nin baş redaktoru Vüqar Məmmədov saxlanılıb.

Qeyd olunur ki, həmçinin “Hurriyyet TV”-nin ofisində axtarış aparılıb, kompüter və bəzi sənədlər götürülüb.

Bu əməliyyatın Ramiz Mehdiyev olayı ilə bağlı ola biləcəyi ehtimal olunur.

***

APA-nın əldə etdiyi məlumata görə, əməliyyat Dövlət Təhlükəsizliyi Xidməti (DTX) tərəfindən həyata keçirilib.

***

“Hürriyyət”in redaksiyasında əməliyyatın keçirildiyi təsdiqlənib.

Azərbaycan Demokrat Partiyasının sədri Sərdar Cəlaloğlu Lent.az-a bildirilib ki, baş redaktor Vüqar Məmmədov saxlanılıb.

***

Bundan başqa, Azərbaycan Demokrat Partiyasının qərargahında yerləşən “Futbol+” qəzetinin redaksiyasında hüquq-mühafizə orqanları tərəfindən əməliyyat keçirilib.

Əməliyyat zamanı qəzetin baş redaktoru Mahir Rüstəmli saxlanılıb.

Hadisə ilə bağlı əlavə məlumat veriləcək.