Növbəti tədris ilində 100-dən çox azərbaycanlı tələbənin Malayziyada ali təhsil alacağını proqnozlaşdırırıq.

“İki sahil” xəbər verir ki, bunu Malayziyanın Azərbaycandakı fövqəladə və səlahiyyətli səfiri Əhməd Kamrizamil Bin Məhd Rza deyib.

O qeyd edib ki, azərbaycanlı tələbələr artıq 2026-2027-ci tədris ili üçün müraciət edirlər:

"Hazırda 50-dən çox azərbaycanlı tələbə Malayziyanın müxtəlif dövlət və özəl universitetlərində təhsil alır. Bu son 3 ilin ümumi göstəricisidir. Amma bu sadəcə başlanğıc, Malayziyanın təhsil imkanlarının Azərbaycanda tanıdıldığı ilk dövr idi. Gələn tədris ilində bu rəqəmin ikiqat olacağını düşünürük".