ABŞ Prezidenti Donald Tramp Hindistanın Rusiya neftinin idxalını nəzərəçarpacaq dərəcədə azaltdığını bəyan edib.

“İki sahil” xəbər verir ki, onun sözlərini RIA Novosti agentliyi sitat gətirib.

“Onlar hazırda, bildiyiniz kimi, Rusiyadan olan tədarükləri əhəmiyyətli dərəcədə azaldıblar”, - deyə Tramp qeyd edib.

Bundan əvvəl Bloomberg analitik şirkət Kpler-in məlumatlarına istinadən yazmışdı ki, Hindistan dekabr ayında Rusiya neftinin idxalını son üç ilin minimum səviyyəsinə endirməyi planlaşdırır. Məlumata görə, tədarük həcmi gündəlik təxminən 1,1 milyon barel təşkil edəcək.

Ekspertlər bu azalmanı qlobal enerji bazarındakı dəyişikliklər, geosiyasi risklər və Hindistanın tədarük mənbələrini şaxələndirmək cəhdləri ilə əlaqələndirirlər.