Rusiya Prezidenti Vladimir Putin Rusiyanın yeni və ədalətli təhlükəsizlik arxitekturası ilə bağlı irəli sürdüyü təşəbbüslərin yenidən məzmunca müzakirə edilməsinə qayıtmağı təklif edib. Bu barədə o, 34 yeni təyin olunmuş xarici səfirin etimadnamələrinin təqdim edilməsi mərasimində çıxışı zamanı bildirib.

“İki sahil” xəbər verir ki, bu barədə RT məlumat yayıb.

Putin vurğulayıb ki, Rusiya daha əvvəl Avropa və qlobal miqyasda etibarlı və bütün dövlətləri qane edən təhlükəsizlik sisteminin yaradılmasını təklif etmişdi. Onun sözlərinə görə, məhz bu təşəbbüslərin əsaslı şəkildə müzakirəsinə qayıtmaq lazımdır.

“Rusiyanın təhlükəsizliklə bağlı təşəbbüslərinin predmet üzrə müzakirəsinə yenidən qayıtmaq məqsədəuyğun olardı ki, Ukraynadakı münaqişənin sülh yolu ilə həlli üçün hansı şərtlərin mümkün olduğunu təsbit etmək mümkün olsun. Bu nə qədər tez baş versə, bir o qədər yaxşıdır”, – deyə Vladimir Putin qeyd edib.

Dövlət başçısı bildirib ki, Rusiya uzunmüddətli və dayanıqlı sülhün tərəfdarıdır və bu sülh “hamının və hər kəsin təhlükəsizliyini” etibarlı şəkildə təmin etməlidir. Lakin Putinin sözlərinə görə, Kiyev və onu dəstəkləyən paytaxtlar hələlik bu cür yanaşmaya hazır deyillər.

Beləliklə, Rusiya tərəfi təhlükəsizlik məsələləri üzrə genişmiqyaslı dialoqun bərpasını Ukrayna münaqişəsinin həlli istiqamətində əsas şərt kimi qiymətləndirir.