“ASAN Məktub” sosial proqramının “Bir qəlbi də sən isit” aksiyası çərçivəsində Qax, Masallı, Yardımlı və Mingəçevirdə 120-dən çox uşağın arzusu gerçəkləşdirilib. “İki sahil” xəbər verir ki, təşəbbüs “ASAN Könüllüləri” Təşkilatının, Kənd Təsərrüfatı Nazirliyinin və BRAVO marketlər şəbəkəsinin birgə təşkilatçılığı, “GİLTEX” MMC-nin dəstəyi ilə reallaşdırılıb.

Proqram çərçivəsində, həmçinin Lütfi Zadə Texnologiya Mərkəzinin dəstəyi ilə “Azərbaycan Uşaqları” İctimai Birliyinin nəzdində fəaliyyət göstərən Uşaq Sığınacağı – Reinteqrasiya Mərkəzində məskunlaşan uşaqların da arzuları reallaşdırılıb. Aksiya dünya şöhrətli alim Lütfi Zadənin doğum gününə həsr olunub.

Fəaliyyətə başladığı gündən “ASAN Məktub” 10 600-dən çox uşağın arzusunu gerçəkləşdirib. Məqsəd 3–14 yaş aralığında sosial qayğıya ehtiyacı olan uşaqların arzularını reallaşdırmaq və onların sevincinə töhfə verməkdir.

Layihənin şəffaflığını və əlçatanlığını artırmaq üçün 13 noyabr 2015-ci ildə www.asanmektub.az saytı istifadəyə verilib.