Kriptovalyuta bazarında eniş trendi davam edib.

“İki sahil” CoinMarketCap platformasına istinadən xəbər verir ki, son 24 saatda dünyanın ən böyük kriptovalyutası olan Bitcoinin qiyməti 2,86% azalıb. Hazırda BTC 63 207 dollar səviyyəsində ticarət olunur.

Bazarın ikinci ən böyük aktivi olan Ethereum isə sutka ərzində 1,99% dəyər itirib və 1 829 dollara enib.

Digər iri aktivlərdən BNB 0,19% artıb, Bitcoin Cash 9,32%, Monero 1,60%, Zcash isə 2,71% azalıb.

Qızıl təminatlı tokenlərdən PAX Gold 0,35%, Tether Gold isə 0,18% artım göstərib.

Analitiklər sutkalıq enişi qlobal maliyyə bazarlarında risk iştahının zəifləməsi, investorların daha təhlükəsiz aktivlərə – xüsusilə qızıl yönümlü tokenlərə üstünlük verməsi və kriptovalyuta bazarında satış təzyiqinin artması ilə izah edirlər.