İsrail Hərbi Hava Qüvvələri Tehranda keçirilən hücumda Ali Liderin Hərbi Qərargah rəisi və İran Silahlı Qüvvələrinin (Xatəm əl-Ənbiya Hava Hücumundan Müdafiə Qüvvələri) Mərkəzi Qərargah rəisi Əbu əl-Qasım Babayanı öldürüb.

“İki sahil” xəbər verir ki, bu barədə İsrail Müdafiə Qüvvələrinin (İMQ) mətbuat xidməti məlumat yayıb.

İsrail ordusunun məlumatına görə, "Babayan İsrailə qarşı əməliyyatlar aparmaq və təcili əməliyyatlar aparmaq üçün müxtəlif təşkilatların hərəkətlərini əlaqələndirməkdən məsul olub."

Ordunun mətbuat xidməti qeyd edib ki, Babayan bu vəzifədəki sələfi Əli Şadmaninin 2025-ci ilin iyun ayında İsrail Hərbi Hava Qüvvələri tərəfindən öldürülməsindən sonra Xatəm əl-Ənbiyaya rəhbər təyin edilib.

Məhərrəm Ağalaroğlu, “İki sahil”