Culfa Rayon İcra Hakimiyyəti və Culfa Regional Mədəniyyət İdarəsinin birgə təşkilatçılığı ilə Culfa şəhərində Novruz bayramı münasibətilə bayram konserti təşkil olunub. Bayram şənliyində idarə, müəssisələrin əməkdaşları ilə yanaşı rayon sakinləri iştirak ediblər.

“İki sahil” xəbər verir ki,  Novruz bayramının əsas personajları olan Kosa və Keçəl öz çıxışları ilə şənliyə xüsusi zövq qatıblar. Sonra mədəniyyət və incəsənət nümayəndələri tərəfindən milli və müasir musiqi nümunələri, eləcə də rəqs səhnə çıxışları təqdim olunub.

Sonda Novruz bayramının rəmzlərindən olan tonqal yandırıldı.