BMT Baş katibi Antonio Quterreşin Hörmüz boğazından gəmilərin keçidini izləmək üçün mexanizm yaratmaq təşəbbüsü bütün ölkələrin razılığını tələb edir.

“İki sahil” yazır ki, bunu Rusiya xarici işlər nazirinin müavini Aleksandr Alimov "İzvestiya"ya bildirib.

"BMT Baş katibi bir təşəbbüs irəli sürüb: gəmilərin Hörmüz boğazından keçidini izləmək üçün mexanizmin yaradılması. Bu təşəbbüs BMT Katibliyi daxilində müəyyən strukturların yaradılmasını nəzərdə tutur", - deyə yüksək vəzifəli diplomat bildirib. O əlavə edib: "Bu təşəbbüsün Körfəz ölkələri və İran tərəfindən nə qədər dəstək alacağını hələlik qiymətləndirmək çətindir. Əksinə siqnallar eşitmişəm. Buna görə də, bu təşəbbüsün perspektivləri qeyri-müəyyəndir. Əlbəttə ki, bu, bütün iştirak edən ölkələrin razılığını tələb edir."

Məhərrəm Ağalaroğlu, “İki sahil”