“İki sahil” xəbər verir ki, görüşdə SOCAR-ın Bakı Ali Neft Məktəbinin 11 təhsil proqramının ASIIN tərəfindən beynəlxalq akkreditasiyadan uğurla keçməsi, həmçinin 7 proqramın mühəndislik üzrə EUR-ACE nişanı ilə təltif olunması yüksək qiymətləndirilib. Bu nailiyyətin təhsil müəssisəsində tətbiq olunan keyfiyyət standartlarının göstəricisi olduğu vurğulanıb.
Tərəflər mövcud əməkdaşlıqdan məmnunluqlarını ifadə edərək, SOCAR ilə ASIIN arasında elmi-tədqiqat sahəsində əməkdaşlığın genişləndirilməsi imkanlarını müzakirə ediblər.
