Bakı Kristal Zalın Sərgi mərkəzində Azərbaycan Şahmat Federasiyası (AŞF) ilə Gənclər və İdman Nazirliyinin birgə təşkil etdiyi “Baku Open - 2026” Beynəlxalq Şahmat Festivalının mükafatlandırma mərasimi keçirilib.
“İki sahil” xəbər verir ki, ilk olaraq veteran şahmatçılar arasında qaliblərə medallar təqdim olunub. Daha sonra yaş kateqoriyaları üzrə iştirakçılara mükafatlar verilib.
Mükafatları gənclər və idman naziri Fərid Qayıbov, Beynəlxalq Şahmat Federasiyasının (FIDE) prezidenti Arkadi Dvorkoviç, Avropa Şahmat Birliyinin prezidenti Zurab Azmayparaşvili, Azərbaycan Şahmat Federasiyasının (AŞF) prezidenti Mahir Məmmədov və digər şəxslər təqdim ediblər.
Qeyd edək ki, yarışda 10 ölkədən 900-dən artıq şahmatçı iştirak edib.
"Baku Open 2026" Beynəlxalq Şahmat Festivalının mükafat fondu 50 min ABŞ dolları olub.
