Asiyanın ən böyük aşağı büdcəli daşıyıcısı "AirAsia", eyni xətt üzrə əlavə 150 təyyarə almaq imkanı ilə 150 Airbus A220-300 təyyarəsi sifariş etdiyini açıqlayıb. Müqavilənin dəyəri təxminən 19 milyard dollardır.
“İki sahil” xəbər verir ki, bu barədə "Kommersant" məlumat yayıb.
Sifariş Kvebekdəki "Airbus" zavodunda elan edilib. Mərasimdə Kanadanın Baş naziri Mark Karni iştirak etdi. Təyyarə tədarükünün 2028-ci ildə başlaması gözlənilir. AirAsia bildirib ki, təyyarə Cənub-Şərqi Asiyada və bütün Asiya-Sakit Okean bölgəsindəki istiqamətlərə xidmət göstərəcək.
"AirAsia"nın baş direktoru Toni Fernandesin sözlərinə görə, təyyarənin alınması yanacaq sərfiyyatını və uçuş xərclərini əhəmiyyətli dərəcədə azaldacaq. Yanacaq qiymətlərinin artması məsələsi ABŞ və İsrailin İrana qarşı hərbi əməliyyatının başlamasından bəri daha da kəskinləşib.
