İsrail hərbçiləri Qəzza zolağının şimalında HƏMAS qruplaşmasının təlim idarəsinin komandirini öldürüblər.

“İki sahil” xəbər verir ki, bu barədə İsrail ordusunun mətbuat xidməti məlumat yayıb.

"İsrail Müdafiə Ordusu Qəzza zolağının şimal hissəsinə zərbə endirib və yaraqlıların hazırlıq proqramlarına rəhbərlik edən HƏMAS-ın hərbi qanadının təlim idarəsinin komandiri Fadi Fəlah Aşur Dağmaşı zərərsizləşdirib. O, Qəzza zolağında İsrail qoşunlarına qarşı döyüş əməliyyatlarına rəhbərlik edənlərin arasında olub", - bəyanatda bildirilir.

Əlavə olunub ki, zərbədən əvvəl mülki əhaliyə dəyəcək ziyanı minimuma endirmək üçün müəyyən addımlar atılıb.