2026-cı il dünya çempionatının qalibi olacaq komandanın üzvlərinə xüsusi çempionluq üzükləri təqdim olunacaq.

“İki sahil” TASS-a istinadla xəbər verir ki, bu barədə Beynəlxalq Futbol Federasiyası (FİFA) rəsmi məlumat yayıb.

Bu, FİFA-nın himayəsi altında keçirilən turnirlər tarixində xatirə üzüklərinin təqdim ediləcəyi ilk hadisə olacaq. Ümumilikdə turnirin keçirildiyi ilə simvolik olaraq 2026 ədəd unikal üzük istehsal ediləcək.

30 ədəd ekvivalent çempion olan milli komandanın futbolçuları və məşqçi heyəti üçün nəzərdə tutulub. Eyni zamanda, 1996 ədəd ekvivalent kolleksionerlər və azarkeşlər üçün satışa çıxarılacaq.

Eksklüziv zərgərlik məmulatlarının dizaynında həm turnirin qlobal rəmzləri, həm də çempion komandanın fərdi elementləri əks olunacaq.

Təntənəli mərasimin maraqlı tərəfi ondan ibarətdir ki, iyulun 19-da keçiriləcək final fitindən dərhal sonra qalib komandanın kapitanı və baş məşqçisinə qələbəni qeyd etmək üçün müvəqqəti üzüklər təqdim olunacaq. Bir qədər sonra isə çempion heyətin 30 üzvü üçün fərdi adlar və nömrələr həkk olunmuş orijinal qızıl üzüklər hazırlanaraq onlara təslim ediləcək.