Almaniya Silahlı Qüvvələrində (Bundesver) xidmət etməyə hazır olan könüllülərin demək olar ki, hər üç nəfərindən biri sağlamlıq vəziyyətinə görə hərbi xidmətə yararsızdır.

“İki sahil” xəbər verir ki, bu barədə "Der Spiegel" jurnalı Almaniya Müdafiə Nazirliyinin məlumatlarına istinadla məlumat yayıb.

2026-cı ilin ikinci rübündə könüllülərin tibbi müayinəsi zamanı məlum olub ki, onların 31%-i xidmət üçün yararsızdır. İlin əvvəlində belə şəxslərin payı təxminən 25% təşkil edirdi. Apreldən may ayının sonunadək Bundesver ümumilikdə 169 141 potensial namizədlə əlaqə saxlayaraq orduda xidmət etmək marağı ilə bağlı anketləri doldurmağı xahiş edib. "Der Spiegel" qeyd edir ki, statistika bir çox çağırışçının sadəcə olaraq toplanış tələblərinə cavab vermədiyini göstərir.

Xatırladaq ki, 2026-cı il yanvarın 1-də Almaniyada yeni hərbi xidmət modeli haqqında qanun qüvvəyə minib. Sənəd gənclərin tibbi müayinədən keçməsini məcburi edir və hərbi uçotu bərpa edir. Bundesverə qəbul hələlik könüllü əsaslarla həyata keçirilir. Yeni qanuna əsasən, yetkinlik yaşına çatmış kişi cinsindən olan vətəndaşlar fiziki hazırlıqları və Silahlı Qüvvələrə qoşulmağa hazır olub-olmadıqları ilə bağlı sualları cavablandıraraq anket doldurmalıdırlar. Qadınlar üçün isə bu anketlərin doldurulması könüllüdür.