Biz zəfər çalacağıq! Qarabağ bizimdir, Qarabağ Azərbaycandır!
25 sentyabr 2020 11:09
282

Çeslav Mixneviç: “Qarabağ”ı diqqətlə öyrənməliyik

"Meydanda etməli olduğumuz işi gördük. Bəzi hallarda istədiyim kimi oynadıq, amma çox çalışmalı olduğumuz məqamlar var. Qarşılaşmanı 3 kamera ilə çəkmişik, ona görə də analiz üçün materialımız var".

“İki sahil” Qol.az-a istinadən xəbər verir ki, bu sözləri “Legiya”nın baş məşqçisi Çeslav Mixneviç Avropa Liqasının 3-cü təsnifat mərhələsində Kosovo "Drita"sını məğlub etdikləri oyundan (2:0) sonra mətbuat konfransında deyib.

Bir neçə gün əvvəl "Legiya"ya baş məşqçi təyin edilən 50 yaşlı mütəxəssis artıq pley-offda "Qarabağ"la keçiriləcək görüşü düşündüklərini bildirib: “Pley-offa daha yaxşı hazırlaşmalıyıq. “Qarabağ”ı diqqətlə öyrənməliyik. Düşünürəm ki, bazar günü rəqibimiz barədə hazır material əldə edəcəyik. Məqsədimiz qrupa vəsiqə qazanmaqdır. Polşa çempionatındakı görüşümüzün təxirə salınması “Qarabağ”la matça hazırlaşmaq baxımından bizə əlavə vaxt qazandırdı. Bundan da maksimum yararlanacağıq. Nəticə ya xeyrimizə işləyəcək, ya da yolunda olmayan nələrinsə olduğunu ortaya çıxaracaq”.