03 fevral 2019 09:44
208

Çində panda balaları üçün qeyri-adi bayram təşkil edilib

Çinin Volonq təbiət qoruğunun əməkdaşları Çin Yeni ili münasibətilə panda balalarına bayram təşkil ediblər. Bu barədə “Yahoo Singapore” məlumat yayıb.

AZƏRTAC RİA Novosti agentliyinə istinadla xəbər verir ki, qoruğun əməkdaşları ərazinin bir hissəsini ənənəvi Çin oyuncaqları ilə bəzədikdən sonra panda balalarını oraya gətiriblər. Pandalar qoruq əməkdaşlarının qucağında çox qalmayaraq sərbəst oynamağa başlayıb. Bu, keçən il doğulmuş 11 panda balasının tamaşaçılar qarşısına ilk çıxışı olub.