04 dekabr 2019 16:10
133

İdarəetmə psixologiyası mövzusunda təlim keçiriləcək 

Azərbaycan Respublikasının Kiçik və Orta Biznesin İnkişafı Agentliyinin (KOBİA) təşkilatçılığı ilə KOB-ların maarifləndirilməsi məqsədilə dekabrın 10-da “Təşkilati davranış, individual davranışın əsasları və idarəetmə psixologiyası” mövzusunda təlim keçiriləcək.

Tədbirin keçirilməsində məqsəd sahibkar və menecerlərin qərar vermə prosesi və onun mərhələləri, idarəetmədə qərar vermə psixologiyası barədə bilik və bacarıqlarının artırılması, bu istiqamətdə məlumatlandırılmasıdır.

Təlimdə iştirak etmək istəyən startaplar, sahibkar və menecerlərdən müvafiq məlumatları (ad, soyad, təmsil etdiyi müəssisə, vəzifəsi, əlaqə telefonu, e-mail ünvanı) Agentliyin [email protected] e-mail ünvanına “Mövzu” yerinə təlimin adını qeyd etməklə göndərmələri xahiş olunur.

Tədbirdə iştirak ödənişsizdir.