İsveçin paytaxtı Stokholm şəhərində fəaliyyət göstərən “Qarabağ” rəqs qrupu İsveç İslam təşkilatı “İbn Rushid Studieförbund” tərəfindən təşkil olunan “Digital Ramazan 2020 Stockholm” tədbirində iştirak edərək milli rəqslərimizi ifa edib.

AZƏRTAC xəbər verir ki, müxtəlif ölkələrin mədəniyyətinin nümayiş edildiyi beynəlxalq tədbirdə İsveç-Azərbaycan Dərnəyi “SAF-ın” nəzdində fəaliyyət göstərən rəqs qrupu “Yallı”, “Almalı” və “Bayram” rəqsləri ilə nümunəvi çıxış ediblər.

İsveçdə yaşayan azərbaycanlı uşaqlardan ibarət rəqs qrupunun çıxışları maraqla qarşılanıb. Tədbir İsveçin dövlət kanalı SVT 1 vasitəsilə yayımlanıb.