07 fevral 2019 20:42
167

Misirdə iki avtobus toqquşdu, ölənlər var

Misirin Tor şəhərində Şarm-əş-Şeyx şəhərinə hərəkət edən iki avtobus toqquşub.

Trend-in məlumatına görə, hadisə nəticəsində azı 3 nəfər həlak olub.

19 nəfərin isə xəsarət aldığı deyilir. Sərnişinlər arasında Misir və İraq vətəndaşları olub.

Qeyd olunur ki, qəzaya kəskin hava şəraiti səbəb olub. Cənubi Sinay əyalətində son bir neçə gündür ki, aramsız yağışlar yağır.