23 oktyabr 2021 09:26
589

Qətərdə "Əl-Tumama" stadionu açılıb

2022-ci ildə Qətərdə keçiriləcək dünya çempionatının oyunlarını qəbul edəcək "Əl-Tumama" stadionu istifadəyə verilib.

“İki sahil” xəbər verir ki, bu barədə Dünya Çempionatının keçirilməsi və mirası üzrə Ali Komitənin mətbuat xidməti bildirib.

Stadion Qətərin paytaxtı Dohada yerləşir. Bu, Qətər memarı İbrahim Cayda tərəfindən layihələndirilən ilk stadiondur.

Stadion 40 min tamaşaçı tutumuna malikdir.

Beynəlxalq Futbol Federasiyasının prezidenti Canni İnfantino bildirib: ""Əl-Tumama" stadionu ölkə üçün böyük əhəmiyyət kəsb edən daha bir sənət əsəridir. Mənim arzum tezliklə Yaxın Şərqdə keçiriləcək ilk dünya çempionatının şahidi olmaqdır".