Aşağıda sizin üçün müxtəlif muzeylərdən ən maraqlı, qəribə və bir qədər tükürpədici eksponatları seçmişik.
ABŞ-da Kanzas Sitidə Milli Oyuncaq və Miniatür Muzeyində “Character Display Co” tərəfindən hazırlanan bir sevimli avtomat kukla var ki, o, insanlara sərxoşluğun təhlükələri haqqında mühazirə oxuyur. “Character Display Co” tərəfindən hazırlanmışdır.
1731-ci ildə bir əlcəzairli İsveç kralına canlı bir şir verir. Şir öləndə onu isə doldurub qurutdular. Hal-hazırda şirin müqəvvası İsveçin Qripsholm Qala Muzeyində saxlanılır.
Kanadada Alberta Qorxu və Möcüzə Muzeyində 19-cu əsrin əvvəllərinə aid qorxunc bir eksponat var. Bu, bir uşağın mumiyalanmış başıdır. Eksponat uzun illər qızdırılan çardaqda üzüaşağı saxlanılır, buna görə də üz cizgiləri yastılaşaraq getdikcə buruna çevrilir.
Heykəltəraş Con Cosef Karriesin 1891-ci ildə yaratdığı qəribə heykəllərindən biri də dovşan qulaqları olan qurbağadır. Fransada Paris İncəsənət Muzeyində yerləşir.
Abajura çevrilən Balinanın göz bəbəyi Şetland adalarında Şetland Muzeyində saxlanılır.
Bir cəsəd qutusu “Stitt & St George Funeral Directors” şirkətinin dəfn direktoru Filip Stitt tərəfindən yaradılmışdır. Onun uzunluğu 2,6 metrdir. O, həmçinin kiçik bir soyuducu generatorla təchiz edilib və "müştərilər" tərəfindən istifadə edilmədikdə sahibkar ondan pivə soyuducusu kimi istifadə edə bilər. Avstraliyada Kvinslend Muzeyində saxlanılır.
Tükürpədici ikiüzlü kukla başı. Eksponatın bir tərəfində bığlı kişi, digər tərəfində isə qadın var. Belə kuklalar çox idi və onlar müxtəlif şəkildə təsvir edilmişdi. Eksponat Kanadada Ontario İrs və Arxeoloji Qiymətləndirmə Muzeyindədir.
Naməlum rəssamın “Pişik başının etüdləri” tablosu. 19-cu əsrin ikinci yarısında Ermitajda olan Frans Snaydersin eyniadlı əsəri əsasında yaradılmışdır. Rusiyada Yaroslavl İncəsənət Muzeyində saxlanılır.
Klark maskot kolleksiyasında (Skarboro Muzeyində) olduqca qorxulu şeylər var. Məsələn, bir oyunçunun qumar şansı üçün istifadə etdiyi insan barmağı sümüyü...
Tollund adamının qarnından götürülmüş insan dərisi parçası haqqında eşitmisiniz? Tollund adamının təxminən 2300 yaşı var, ritual zamanı öldürüldüyü və cəsədinin dəfn olunduğu torf bataqlığında təbii yolla mumiyalandığı güman edilir.
Qəribə eksponatlardan biri 1650-1750-ci illərdən qalmış taun maskasıdır. Alman Tarixi Muzeyində saxlanılır.
Kabuslar yarada biləcək bir kukla... Elizabet Batman kuklası, təxminən 1820-1830-cu illərə aiddir. “VIC” Dövlət Muzeyində saxlanılır.
MONA İncəsənət Muzeyində bir qəribə eksponat var: Uolter Potter tərəfindən son Viktoriya dövrünə aid pişiklər üçün çay süfrəsi.
Tibbdə müxtəlif səhvlərin real nümunələri - Dupuytren Muzeyində (Paris, Fransa) yerləşir.
45 mindən çox parazitin eksponatı olan yeganə muzey Yaponiyanın paytaxtında Mequro Parazitologiya Muzeyidir.
Meksikada Quanajuato Mumiya Muzeyində 111 mumiyalanmış kişi, qadın və uşaq cəsədi var. Onların çoxu diri-diri basdırıldığı üçün ağızları əbədi qışqırıqlarla açıq qalıb.
Psixiatrik müalicələr, ruhi xəstələrin müalicəsi üçün alətlər və avadanlıqlar və bir vaxtlar burada baş vermiş dəliliyi canlandıran 3D ekranlar. Bura, zəif insanlar üçün deyil - bütün bunlar Qlore Psixiatriya Muzeyindədir - Sent Cozef, Missuri, ABŞ.
Ventriloquistlər Muzeyi Fort Mitşell, Kentukki, ABŞ. Burada serialı qatillər tərəfindən yaradılmış böyük sənət kolleksiyası var. Muzeydə divarlarda cinayətlərin şok səhnələrinin və qurbanların yarılmalarının çoxlu fotoşəkilləri var.Onların təxminən 700-ü stullarda oturur və donmuş, boş gözlərlə ziyarətçilərə baxır. Bu muzey dəhşətlidir.
İtaliyanın San Ciminyano şəhərindəki İşgəncə Muzeyində bəzi insanlara başqaları tərəfindən əzab vermək üçün hazırlanmış 100-dən çox alət toplusu var. Muzey 13-cü əsrdə tikilmiş İblis qülləsində yerləşir. Deyilənə görə, əsrlər əvvəl bu yerdə işgəncələrə məruz qalan qurbanların iniltiləri indi də buradan eşidilir.
İtaliyanın Turin şəhərində “Cesare Lombroso” Cinayət Antropologiya Muzeyində 17-18-ci əsrlər arasında ölmüş 8000-dən çox mumiyalanmış insan cəsədinin kolleksiyası var. Cəsədlər yerdə uzanır, əsrlər əvvəl yaşadıqları şəhərin yeraltı labirintinin kameralarında divarlardan asılır. Boş göz yuvaları olan tükürpədici kəllələr sözün əsl mənasında hər yerdədir. Cinayət Antropologiyası Muzeyi 1898-ci ildə yaradılıb və burada 400-dən çox insan kəlləsi nümayiş etdirilir. Kolleksiyaya tam ölçülü skeletlər, beyinlər, yarılma şəkilləri, antik alətlər və real həyatda cinayətdə istifadə olunan silahlar daxildir.
Nubar Süleymanova, “İki sahil”
