Andrey Çikatilo
Ukrayna əsilli seria qatili Andrey Çekatilo 1978-1990-cı illər arasında 53 nəfərin qətlinə görə məsuliyyətə cəlb olunmuşdu. Deyilənlərə görə Çekatilonun çox çətin bir uşaqlığı olub. Andrey və anası alman əsgərləri tərəfindən təcavüzə uğramışdı. Sonradan ədəbiyyat müəllimi olan və əyalət universitetlərinin birində dərs deyən bu qatilin etirafına görə, o, 56 adam öldürməyə cəhd edib. Lakin onlardan 53-nü öldürərək arzusuna çatıb. Onun qurbanlarının əksəriyyəti qadınlar idi. Çekatilonun qurbanları adətən cinsi zorakılığa məruz qaldığdan sonra amansızcasına öldürürülürdü. Çikatilo qurbanlarını öldürdükdən sonra onların üzərinə gəlincik qoyub aradan çıxırdı. Bu qəddar cani 1994-cü il fevralın 14-də başından güllə ilə vurularaq edam edilir.
Harold Şipman
İxtisasca həkim olan Harold Şipman "karyerası" ərzində 236 xəstəni qətlə yetirib. O, pasiyentlərini daha öncə sağaldır, sonra isə öldürməkdən həzz alırmış. Qatil törətdiyi bu cinayətləri "Tanrı oyunu" adlandırmışdı. Məşhur dedektiv Dam Smit uzun araşdırmalardan sonra Şipmanın törətdiyi cinayətlərinin əsl səbəbini tapır. Onun iddiasına görə, Şipman törətdiyi cinayətlərdən həzz alıb və qətl törətmək onun üçün artıq bir vərdişə çevrilmişdi. O, 2004-cü ildə doğum günündən bir gün əvvəl o öz kamerasında intihar edib.
Dahler
Dahler ləqəbli bir gəncin qətlə yetirdiyi insanların sayı hələ də məlum deyil. O, hər kəslə olduqca mülayim davrandığı üçün heç kimin ağlına onun qatil olduğu gəlmirdi. Cani adətən qurbanlarının başını qazmaqla deşirmiş.
Ted Bundi
1974-1978-ci illər arasında ABŞ-ın müxtəlif yerlərində qadın meyitləri aşkar olunur. Cinayətlər oxşar üsulla törədildiyindən cinayət elementləri bir-birinə bənzədiyi üçün bu qətllərin Ted Bundi ilə əlaqəli olduğu müəyyən edilir. Yalnız 10 ildən sonra Bundi otuzdan çox qətl törətdiyini etiraf edir. Ted xilasetmə mərkəzində , intihar etmək istəyən şəxslərin zənglərinə cavab verirdi. Onları niyyətindən yayındırmaq əvəzinə, onları intihara təşəbbüs edirdi. Beləcə o, əlini qana batırmadan insanları intihar etməyə vadar edirdi. Budinin qurbanları isə əsasən gənc və gözəl qadınlar olub. Əvvəlcə Bundinin sosiopat olduğu düşünülür. Törətdiyi amansız qətllərə baxmayaraq, o, ABŞ mediasında savadlı , yaraşıqlı və nəzakətli bir gənc kimi təsvir edilir. Ted Bundi 1989-cu ildə elektrik stulunda edam edilir.
Pedro Lopez Monsalve
"And canavarı" kimi tanınan qatil Kolumbiya, Peru və Ekvadorda 300 uşağa təcavüz etdikdən sonra onları qətlə yetirib. 1980-ci ildə onun qətlə yetirdiyi 53 uşağın məzarı polis tərəfindən tapılır. 1999-cu ildə verdiyi müsahibədə özünü "əsrin adamı" kimi qələmə verən Pedro yaxşı davranışına görə azadlığa buraxılmalı olduğunu bildirib. Çox təəssüf ki, o, 53 uşağın ölümünə görə 1980-1998-ci illər arasında həbsdə yatsa da, sonradan azadlığa buraxılır.Həbsdən çıxdıqdan sonra ondan bir daha xəbər alınmır.
Meri Enn Kotton
Meri Enn Kotton arsenat turşusu ilə 20-yə yaxın insanı zəhərləyərək öldürüb. O, ərini, uşaqlarını və hətta öz anasını öldürmüşdü. Cani qadın öldürdüyü insanlara əzab verməyidə sevirdi. Merinin qohumlarının, ətrafındakı insanların eyni dərddən ölməsi polisi şübhələndirir və beləliklə qatil qadın həbs edilir. Onun edamını yerinə yetirən cəllad, isə canidən qisas alırmış kimi,bilərəkdən kətili ayağının altından çəkməyi unudur və onun əzablarını bilərəkdən uzadır.
Holmes
Holmes adlı bu qatil özü üçün əməllicə biznes qurmuşdu. 35 yaşlı bu qatil öldürdüyü şəxslərin çürüməsini gözləyir sonra isə onların skeletlərini təmizləyərək tibb universitetlərinə satırdı.
Mayra Hindli
Silsilə qətllər törədən qadın killer xanım dostu İen Brayenlə bir neçə il ərzində 10-17 yaşlı 5 azyaşlı uşağı oğurlayıb, ölənə qədər işgəncə verərək öldürürlər. Canilər öz cinayətlərini tarixə salmaq üçün onları hətta kameraya belə çəkirdi. Polis qurbanların cəsədlərini Mançestrin yaxınlığındakı bataqlıqda aşkar edirlər.
Ömürlük həbsə məhkum olan bu qatillər öz əməllərindən peşman olmadılar. Hökm elan olunan vaxt sakitcə oturub dondurma yeyərək məhkəmə iclasının sonunu gözləyirdilər. Məlumata görə, Marya Hindli həbsxana xəstəxanasında ürək tutmasından ölür.
Edmund Kemper
Kemper hələ 15 yaşında olarkən nənə və babasını öldürür. Törətdiyi cinayətə görə o, ruhi xəstə cinayətkarlarının saxlandığı ən ağır rejimli həbsxanada cəza çəkirdi. Psixiatrlar onu sağaldığına inandırdıqdan sonra 21 yaşında sərbəst buraxırlar. O, 1970-ci illərdə anası da daxil olmaqla bir çox qadını qətlə yetirir. Ən intellektual cani kimi tanınan Kemper 10 nəfəri qətlə yetirdiyinə görə həbs olunsa da, lakin onun qurbanlarının sayı daha çox olub. Qeyd edək ki, məşhyr "Quzuların səssizliyi" filmi məhz Kemperin cinayətlərindən bəhs edir. 24 aprel 1973-cü ildə həbs edilən bu cani ömürlük cəzaya məhkum olub.
Robert Pikkton
Robert Pikktonun törətdiyi qətllərin sayı-hesabı yoxdur. Cani qurbanlarını diri-diri ağac doğrama maşınından keçirərək bir neçə parçalara ayırırdı. Daha sonra isə o parçaları evinin həyətində saxladığı donuzlara yedirirdi.
Bell Qanes
Bu qadın Amerikanın tarixində ən məşhur qatil qadın olub. O, iki ərini, qızlarını, bir neçə sevgilisini öldürmüşdü. Onun əsas hədəfi sığorta şirkətlərindən ölmüş insanların yerinə pul almaq idi. Deyilənlərə görə Qanes 30-dan çox insanı qətlə yetirmişdi.
Samirə Tağıyeva, “İki sahil”
