Artur Konan Doylun 26 dekabr 1939-cu il geri qaytarılma tarixi ilə kitabxanadan götürülmüş və fin dilinə tərcümə edilmiş "Sürgünlər" romanı 84 il sonra Helsinkidəki Oodi kitabxanasına qaytarılıb.

“İki sahil” xəbər verir ki, kitabı təhvil alan kitabxanaçı Xeyni Strend əvvəllər heç vaxt bu qədər gecikmə ilə kitab almadığını bildirib.

Strend deyib: "Adətən vaxtı keçmiş kitablar ölən qohumlarının əşyalarını bir-bir gözdən keçirdikdə və onları geri qaytarmağı lazım bildikdə geri qaytarılır".

Kitabın gec qaytarılmasının mümkün səbəbi qaytarılma tarixindən bir ay əvvəl sovet-fin müharibəsinin başlamasıdır. Xeyni Strendin sözlərinə görə, 1925-ci ildə nəşr olunan kitab yaxşı vəziyyətdə olduğu üçün yenidən oxuculara təqdim ediləcək.