Portuqaliya millisinin və İtaliyanın "Milan" klubunun futbolçusu Rafael Leau karyerasını İspaniyada davam etdirə bilər.

"İki sahil" "Mundo Deportivo" nəşrinə istinadən xəbər verir ki, 25 yaşlı hücumçunun transfer dönəminin son günlərində "Barselona"ya keçmək ehtimalı var.

Kataloniya təmsilçisi portuqaliyalı oyunçunun keçidi ilə bağlı hələlik "Milan"la razılaşa bilmir.

Qeyd edək ki, 2019-cu ildən A Seriyası klubunda çıxış edən Leau 211 oyunda 58 qol və 50 məhsuldar ötürmə ilə yadda qalıb.