Abşeron-Xızı Regional Gənclər və İdman İdarəsi və Abşeron-Xızı Regional Təhsil İdarəsinin birgə təşkilatçılığı ilə “Sumqayıt Bulvarı”nda Sumqayıt şəhərinin 75 illik yubileyinə həsr olunmuş kros idman növü üzrə ümumtəhsil müəssisələri arasında şəhər birinciliyi keçirilib.

“İki sahil” xəbər verir ki, maraqlı və gərgin idman mübarizəsi şəraitində keçən birincilikdə Emil Həsənov (28 nömrəli tam orta məktəb) birinci, İsmayıl Novruzov (29 nömrəli tam orta məktəb) ikinci, Elnur Xələfov üçüncü yerə layiq görülüb.

Qalib və mükafatçılar diplom və medalla təltif edilib.