Rusiya prezidentinin mətbuat katibi Dmitri Peskov “Kommersant”ın Rusiya Xarici İşlər Nazirliyinin Şimali Amerika departamentinin direktoru Aleksandr Darçiyevin Rusiyanın ABŞ-dakı yeni səfiri təyin oluna biləcəyi ilə bağlı sualına cavab verib.

“İki sahil” “Kommersant”a istinadla xəbər verir ki, Kreml nümayəndəsi xatırladıb ki, təyinatlar əvvəlcədən elan olunmur.

“Təyinatla bağlı fərman olduqda, dərhal məlumat veriləcək. Biz kadr təyinatlarını elan etmirik, bilirsiniz”, – deyə, Peskov bildirib.

Rusiyanın Vaşinqtondakı əvvəlki səfiri Anatoli Antonov bu vəzifədə yeddi il çalışaraq oktyabr ayında işini başa vurub. Ötən həftə Kreml səfirin namizədliyinin artıq seçildiyini və təsdiq prosesinin getdiyini bildirib.