İsrail ordusu Beyrutun cənubundakı Qubeyri rayonundakı hədəflərə zərbə endirib. Əməliyyatdan qabaq 30 kəndin əhalisinə təxliyə ilə bağlı xəbərdarlıq olunub.

“İki sahil” “əl-Ərəbiyyə”yə istinadla xəbər verir ki, İsrail ordusunun sözçüsünün sözlərinə görə, əməliyyat zamanı “Hizbullah”ın bu rayonda yerləşən komanda mərkəzi vurulub.

İran Silahlı Qüvvələrinin “Xatəm əl-Ənbiya” Mərkəzi Qoşun Qərargahının komandanının müavini Məhəmməd Cəfər Əsədi bu hücumların “cavabsız qalmayacağı” ilə bağlı xəbərdarlıq edib.

İran Parlamentinin spikeri Məhəmməd Qalibaf da bütün cəbhələrdə, o cümlədən Livanda atəşkəs olmayacağı təqdirdə ABŞ tərəfi ilə diplomatik həll prosesindən çıxacağına eyham vurub.

İsrail ordusunun qərargah rəisi İyal Zamir isə bildirib ki, ordu Livandakı əməliyyatlarını daha da dərinləşdirəcək.