PSJ-nin hücumçusu Kilian Mbappe klubla yeni müqavilə imzalamaqla bağlı danışıqlardakı son durumdan danışıb.
"İki sahil" Fransa mətbuatına istinadən xəbər verir ki, 22 yaşlı hücumçu bunları deyib:
“İndi düşünürəm. PSJ ilə danışıqlar da davam edir. Müqaviləni yeniləsəm, bu, uzun müddət burada qalacağım mənasını verəcək. PSJ-də özümü yaxşı hiss edirəm. Tezliklə bir qərar verməli olacağam".
Qeyd edək ki, Mbappe bu mövsüm Liqa 1-də 17 matça çıxaraq, 14 qol vurub və 6 qolun ötürməsini verib.