Noyabrda 369 min 690 suriyalı Türkiyədən öz vətəninə qayıdıb. Hazırda Türkiyədə rəsmi qeydiyyatda olan suriyalıların sayı 3 milyon 691 min 333 nəfərdir.

AZƏRTAC xəbər verir ki, bu barədə Türkiyənin Daxili İşlər Nazirliyindən məlumat verilib.

Məlumatda qeyd edilib ki, ötən ay ölkədə 42 min 311 miqrant saxlanılıb. Onlardan 6401-i dəniz vasitəsilə qanunsuz yollarla Türkiyə ərazisini keçmək istəyərkən ələ keçirilib.

Ölkə ərazisini qanunsuz yollarla tərk etmək istəyən miqrantlara kömək etməkdə şübhəli bilinən 1210 nəfər saxlanılıb. Onlardan 250-i həbs edilib.